უკრაინის ოპოზიციონერი დეპუტატი იულია ტიმოშენკომ სოციალურ ქსელში წერს, რომ პრეზიდენტი ვოლოდიმირ ზელენსკი სახელმწიფოს ლეგიტიმურ მეთაურად რჩება, უკრაინა კი სუვერენული ქვეყანაა და მხოლოდ უკრაინელებს აქვთ უფლება გადაწყვიტონ, როდის შეცვალონ ხელისუფლება.

მისი თქმით, საარჩევნო კამპანიის ამ დროს დაწყება საზოგადოებას გაყოფს, ქვეყანას კი ერთიანობა და გამძლეობა სჭირდება. მან ხაზგასმით აღნიშნა, რომ არავინ დაუშვებს არჩევნების ჩატარებას ომის დასრულებამდე, თუნდაც ეს ზოგიერთ დასავლელ მოკავშირეს არ მოეწონოს.

"უკრაინა სუვერენული სახელმწიფოა! ვოლოდიმირ ზელენსკი უკრაინის პრეზიდენტია. ლეგიტიმური სანამ სხვა არ აირჩევა. მხოლოდ უკრაინელებს აქვთ უფლება გადაწყვიტონ, როდის და რა პირობებში შეცვლიან ხელისუფლებას. დღეს ასეთი პირობები არ არსებობს! ომის დროს არჩევნები შეუძლებელი და ამორალურია, რადგან ჩვენი სამხედროები მათში მონაწილეობას ვერ მიიღებენ. და მათ გარეშე არჩევნები არასოდეს იქნება ლეგიტიმური. ომის დროს კენჭისყრას ასევე არ შეიძლება ეწოდოს სამართლიანი, რადგან ხალხი ამას ვერ გააკონტროლებს. ომის დროს სუიციდურია საარჩევნო კამპანიის დაწყება ქვეყნის პოლიტიკურ ბანაკებში გახლეჩის გზით. ახლა, როგორც არასდროს, გვჭირდება ერთიანობა და გამძლეობა. ომის დასრულებამდე არცერთი ჩვენგანი არ დაუშვებს ასეთ არჩევნებს. ეს შეიძლება არ მოსწონდეს ჩვენს მტრებს და ჩვენს მოკავშირეებსაც კი, მაგრამ ასეა", — წერს იულია ტიმოშენკო.

19 თებერვალს აშშ-ის პრეზიდენტმა, დონალდ ტრამპმა სოციალურ ქსელში ვრცელი პოსტი გამოაქვეყნა, რომელიც სრულად უკრაინის პრეზიდენტის, ვოლოდიმირ ზელენსკის კრიტიკას მიეძღვნა. ტრამპმა ზელენსკის დიქტატორიც კი უწოდა და არჩევნების დანიშვნისკენ მოუწოდა.