ვაშინგტონის საოლქო სასამართლოს ფედერალურმა მოსამართლემ ხუთშაბათს, 13 თებერვალს, აშშ-ს პრეზიდენტის, დონალდ ტრამპის ადმინისტრაციას დაავალა, რომ დროებით გააუქმოს საგარეო დაფინანსების გაყინვა მთელს მსოფლიოში. ამის შესახებ სააგენტო AP მოსამართლის ბრძანებაზე დაყრდნობით იუწყება.

მოსამართლე ამირ ალიმ გამოსცა დროებითი ბრძანება ორი ჯგუფის — შიდსის ვაქცინის ადვოკატირების კოალიციის და ჯანმრთელობის გლობალური საბჭოს სარჩელზე, რომლებიც ჯანდაცვის ორგანიზაციებს წარმოადგენენ და ამ ორგანიზაციებს უცხოეთის ქვეყნებში სამუშაოდ აშშ-ის საერთაშორისო განვითარების სააგენტო (USAID) აფინანსებდა.

მოსამართლემ ისაუბრა იმ უზარმაზარი ზიანზე, რომელიც დაფინანსების მოულოდნელმა შეჩერებამ მიაყენა არაკომერციულ და სხვა ორგანიზაციებს, რომლებიც საზღვარგარეთის ქვეყნებს ეხმარებოდნენ.

თავის გადაწყვეტილებაში ალიმ აღნიშნა, რომ ტრამპის ადმინისტრაცია ამტკიცებდა, რომ მან უნდა შეწყვიტოს USAID-ის ათასობით უცხოური დახმარების პროგრამის დაფინანსება, რათა ჩაატაროს თითოეული პროგრამის საფუძვლიანი გამოკვლევა და დადგინდეს, უნდა შეწყდეს თუ არა ის. თუმცა, მისი თქმით ადმინისტრაციის ოფიციალურმა პირებმა არ გააკეთეს განმარტება, რატომ არის საჭირო ამ საკითხის შესასწავლად კონგრესის მიერ დამტკიცებული დაფინანსების შეწყვეტა და უამრავი ორგანიზაციის დაზარალება.

მოსმართლემ აღნიშნა, რომ ადმინისტრაციის ადვოკატებმა ვერ აჩვენეს, რომ მათ ჰქონდათ "რაციონალური მიზეზი" უგულებელყოთ უამრავი მცირე და დიდი ბიზნესის საქმიანობა, რომლებიც იძულებულნი იქნებოდნენ დაეხურათ პროგრამები ან საერთოდ გასულიყვნენ ბიზნესიდან.

ამავე თემაზე: