ლატვიელი ევროპარლამენტარი, რიჰარდს კოლსი სოციალურ პლატფორმა X-ზე წერს, რომ ევროპარლამენტმა "დღეს ქართული ოცნების თვითგამოცხადებული ხელისუფლების აღიარებაზე უარი თქვეს.

"400 ხმით, ევროპარლამენტარები გაყალბებული არჩევნების შემდეგ მმართველი პარტია ქართული ოცნების თვითგამოცხადებული ხელისუფლების აღიარებაზე უარს ამბობენ. რეზოლუცია მოითხოვს: საქართველოს მმართველი ელიტის ბოიკოტს, არჩევნების გაყალბებასა და რეპრესიებზე პასუხისმგებელი ოფიციალური პირებისთვის სანქციების დაწესებას, სალომე ზურაბიშვილის ლეგიტიმურ პრეზიდენტად აღიარებას, სამართლიან პირობებში ახალი არჩევნების ჩატარებას", — წერს კოლსი.

ინფორმაციისთვის, დღეს ევროპარლამენტმა საქართველოს შესახებ შესახებ რეზოლუცია მიიღო, სადაც საპარლამენტთაშორისო ინსტიტუტებს და წევრ სახელმწიფოებს მოუწოდებენ, რომ პერსონალური სანქციები დაუწესონ ბიძინა ივანიშვილს, მის ოჯახს, გარემოცვას და რეჟიმის მხარდამჭერ ბიზნესმენებს და მოსამართლეებს, ასევე ტელეკომპანია იმედის და საზოგადოებრივი მაუწყებლის ხელმძღვანელებს და ეროვნული ბანკის პრეზიდენტს.

ასევე იხილეთ: სანქციები ივანიშვილის ოჯახსა და გარემოცვას, "ოცნების" ხელისუფლების არ აღიარება, ახალი არჩევნები — ევროპარლამენტმა საქართველოზე რეზოლუცია მიიღო