პროკურატურამ პუბლიკის ჟურნალისტები, ალექსანდრე ქეშელაშვილი და ბასტი მგალობლიშვილი დაზარალებულად 2 წლის შემდეგ ცნო.

2023 წლის 9 მარტს ჟურნალისტები რუსული კანონის წინააღმდეგ პარლამენტთან გამართულ აქციაზე მოქალაქის ძალადობრივ დაკავებას იღებდნენ, როდესაც სამართალდამცველებმა მათ ჟურნალისტური საქმიანობის შესრულების საშუალება არ მისცეს, ხელი დაარტყეს და ძალის გამოყენებით დაატოვებინეს ტერიტორია.

შეგახსენებთ, რომ ეს ჟურნალისტ ალექსანდრე ქეშელაშვილზე ძალადობის ერთადერთი შემთხვევა არ არის. 2024 წლის პროევროპულ აქციაზე ჟურნალისტი პოლიციამ დააკავა და დაკავებისას მას ფიზიკურად გაუსწორდნენ.

"თავიდანვე ვუმეორებდი, რომ ჟურნალისტი ვარ, მაგრამ მგონი მაგან პირიქით იმოქმედა, ისეც მაგინებდნენ და მერე ჟურნალისტობის გამოც დამიმატეს. ერთგვარ "დერეფანში“ გამატარეს, სადაც მირტყამდნენ ხელებს და ფეხებს, ძირითადად, სახეში," — წერს ქეშელაშვილი ფეისბუკში, 2024 წლის შემთხვევაზე.