იაპონური გამოცემა, Bunshun ოცნების საპატიო თავმჯდომარის, ბიძინა ივანიშვილის უფროსი შვილის, უტა ივანიშვილის და იაპონიაში საქართველოს ელჩის, თეიმურაზ ლეჟავას საიდუმლო შეხვედრის დეტალებზე სტატიას ასეთი სათაურით აქვეყნებს: "პროპუტინისტი დიქტატორის უფროსი ვაჟი ტოკიოში შენიშნეს!"

Bunshun-ის ცნობით, ელჩმა უტა ივანიშვილს დიდი შავი ჩანთა გადასცა და ქართულად უთხრა:

"აქ არ გახსნა. იმედია, ეს დაგეხმარება".

იაპონური გამოცემა წერს, რომ ივანიშვილის უფროსმა ვაჟმა გასულ წელს ტოკიოს ცენტრში ელიტარული ბინა შეიძინა, სადაც მშვიდად და კომფორტულად ცხოვრობს.

"ის ჩვეულებრივი, კარგი გარეგნობის მქონე ახალგაზრდაა, რომელიც ძირითადად ფეხით ან მატარებლით გადაადგილდება და არ ეტყობა, რომ მდიდრულად ცხოვრობს. მას უყვარს იაპონური ბრენდების ტანსაცმელი, როგორიცაა Bathing Ape და Onitsuka Tiger. მას უყვარს თამაშები და უფრო მეტად "სახლის ადამიანია", მაგრამ ზოგჯერ დადის სპორტდარბაზსა და სანაპიროზე. ჭამს იაპონურ საჭმელს, აქვს სისუსტე ტკბილეულის მიმართ, როგორიცაა შოკოლადი და ნამცხვრები. მას ალკოჰოლიც უყვარს .

იგი სოციალური მედიის მომხმარებელია, მეგობრების წრის გასაფართოებლად გაცნობის აპლიკაციებს იყენებს და ტოკიოს ბარებში გამართულ საერთაშორისო გაცვლით ღონისძიებებს ესწრება. იგი სიამოვნებით თამაშობს "მაფიას", წუწუნებს: "მე არ ვარ კარგი ტყუილში" ხანდახან წვეულებებსაც მართავს რუს მეგობრებთან ერთად.

...ჩვენმა გამოცემამ მოიპოვა უძრავი ქონების რეესტრის დოკუმენტი, სადაც მითითებულია, რომ ბინა, რომელიც 115 კვადრატული მეტრია, 500 მილიონი იენით ნაღდი ფულით შეიძინა", ­ — წერს იაპონური გამოცემა.

სტატიაში ნახსენებია უტა ივანიშვილის მიერ აშშ-ს მხრიდან მამის დასანქცირების შემდეგ, იაპონიაში ახალი სააქციო საზოგადოების ატუ ჰოლდინგსის დაარსების შესახებ, რომელიც, სავარაუდოდ, სანქციებისგან ქონების თავის არიდების მიზანს ემსახურება. გამოცემა იმასაც წერს, რომ უტა ივანიშვილმა, ბიძინა ივანიშვილისთვის სანქციების დაწესებამდე ცოტა ხნით ადრე, 500 მილიონი იენის ღირებულების ბინა შეიძინა.

იაპონური მედია უტა ივანიშვილზე სტატიას აქვეყნებს

იაპონური მედია უტა ივანიშვილზე სტატიას აქვეყნებს

ფოტო: Bunshun

"ივანიშვილის ვაჟმა ბინა შეიძინა ივნისში, მაშინ როდესაც საქართველოში დიდი არეულობა იყო. ამას მალევე მოჰყვა აშშ-ის სანქციები დეკემბერში, რაც ბადებს ეჭვს, რომ ეს ტრანზაქცია სანქციების თავიდან აცილების ნაწილი იყო", — წერს იაპონური მედია.

წყარო: სტუდია მონიტორი