აზერბაიჯანელმა ჟურნალისტმა აფგან სადიგოვმა მშრალი შიმშილობა დაიწყო. ამის შესახებ სოციალურ ქსელში მისმა ცოლმა, სევინჩ სადიგოვამ დაწერა. მისი თქმით, ქმარმა 2 თებერვალს დაურეკა და შეატყობინა, რომ მშრალ შიმშილობას იწყებდა. სადიგოვა წერს, რომ მისი ქმრის მდგომარეობა მძიმეა, უკვე 42 კგ დაიკლო.

"ჩემი მეუღლე აფგან სადიგოვი გუშინ, 2 თებერვლიდან შიმშილობს. დღეს დამირეკა და მითხრა, რომ მისი მდგომარეობა უკვე ძალიან მძიმეა და არ ვიცი რა იქნება ამ დღის შემდეგ.
ავღანელმა განაცხადა, რომ ალიევი და მისი რეჟიმი მკვლელები არიან, ის იბრძოლებს ბოლო ამოსუნთქვამდე! აფგანის მდგომარეობა მძიმეა და იმ ფაქტმა, რომ ის ამდენი ხანი ინვალიდის ეტლსაა მიჯაჭვული, კიდევ უფრო დაამძიმა.

იზოლატორიდან წიგნები მოითხოვა, მაგრამ აზერბაიჯანულ ენაზე წიგნები არ იყო. მისმა ადვოკატმა აზერბაიჯანული წიგნი მიუტანა, მაგრამ არც იმ წიგნს აძლევენ," — წერს სევიჩ სადიგოვა სოციალურ ქსელში.

სევინჩ სადიგოვას თქმით, აფგანი პროტესტის ნიშნად 136 დღეა შიმშილობს და მის პოლიტიკურ დევნაში ივანიშვილი ილჰამ ალიევის დაკვეთას ასრულებს.

ცნობისთვის, აზერბაიჯანელი ჟურნალისტი, აფგან სადიგოვი საქართველოში მიმდინარე წლის 3 აგვისტოს დააკავეს. 31 იანვარს თბილისის საქალაქო სასამართლოს მოსამართლემ, ლელა მარიდაშვილმა, აფგან სადიგოვს საექსტრადიციო პატიმრობა დამატებით, 3 თვით 3 მაისამდე გაუხანგრძლივა.

აფგან სადიგოვს აზერბაიჯანში მიმდინარე გამოძიების საფუძველზე გამოძალვის ორ ეპიზოდს ედავებიან.

სადიგოვი 12 სექტემბრიდან შიმშილობს, აღნიშნულის დაწყების მიზეზი მიგრაციის დეპარტამენტისგან თავშესაფრის მიღებაზე უარია.