შვედეთი უკრაინას 2022 წლის შემდეგ ყველაზე მსხვილ სამხედრო პაკეტს გამოუყოფს. დახმარება $1.2 მილიარდს შეადგენს. ინფორმაციას შვედეთის თავდაცვის მინისტრი პოლ იონსონი ავრცელებს.

"ეს არის რიგით მე-18 პაკეტი, რომელიც შვედეთმა უკრაინისთვის გამოყო. 2022 წლის თებერვლის შემდეგ ეს არის ასევე ყველაზე დიდი პაკეტი", — განაცხადა მან პრესკონფერენციაზე.

იონსონის განცხადებით, ეს პაკეტი რუსეთის პირობებში უკრაინის თავდაცვისუნარიანობის გაზრდას ემსახურება.

თავდაცვის მინისტრმა ასევე აღნიშნა, რომ შვედეთი უკრაინისთვის საჭირო შეიარაღების საკითხზე მოლაპარაკებებს, როგორც საკუთარი ქვეყნის, ისე ევროპის სხვა მომწოდებლებთან აწარმოებს.