ჩეხეთის მთავრობამ დაამტკიცა სანქციები შინაგან საქმეთა სამინისტროს სამი წარმომადგენლის მიმართ, აქციების დარბევაში მათი მონაწილეობის გამო.

ჩეხური მედიის ცნობით, სანქცირებულები არიან შსს-ის განსაკუთრებულ დავალებათა დეპარტამენტის უფროსი ზვიად ხარაზიშვილი (ხარება), მისი მოადგილე მირზა კეზევაძე და საპატრულო პოლიციის უფროსი ვაჟა სირაძე.

"ჩეხეთის მთავრობამ დღეს დაამტკიცა სანქციები საქართველოს შინაგან საქმეთა სამინისტროს 3 წარმომადგენლის მიმართ, გასულ წელს საპროტესტო აქციების ბრუტალურ დარბევაში მათი ჩართულობის გამო. ჩვენ ვდგავართ ქართველი ხალხის გვერდით", — ვკითხულობთ საქართველოში ჩეხეთის ელჩის, პეტრ კუბერნატის პოსტში.