"ივანიშვილის მსგავს კლეპტოკრატებს არასოდეს უნდა შეეძლოთ ბრიტანეთის ზღვისიქითა ტერიტორიების გამოყენება მათი მოპარული სიმდიდრის გასათეთრებლად, მაგრამ თუ ამის გაკეთებას აგრძელებენ, ამიერიდან უნდა იცხოვრონ შიშით, რომ გაერთიანებული სამეფო გამოიყენებს სანქციების ძალას მათთვის პასუხისმგებლობის დაკისრების მიზნით", — ამის შესახებ ჰადსონის ინსტიტუტის კლეპტოკრატიის კვლევის ცენტრის დირექტორი ნეით სიბლი სტატიაში წერს.

მისი თქმით, გაერთიანებული სამეფოს "ლიბერალ-დემოკრატმა" პარლამენტის წევრმა, ჯეიმს მაკკლერიმ ლეიბორისტულ მთავრობას მიმართა, რომ ბიძინა ივანიშვილის წინააღმდეგ სანქციები დააწესონ. მისივე თქმით, ამას გარდა, ჰელსინკის კომიტეტის თავმჯდომარემ, ჯო უილსონმაც მოუწოდა გაერთიანებულ სამეფოს, დაუყონებლივ დაუწესოს სანქციები ჩინეთის კომუნისტური პარტიის მეგობარს, ბიძინა ივანიშვილს, მისი ოჯახის წევრებს და მისი საქმიანობის ხელისშემწყობი პირების ქსელს.

"მაკკლირი არ არის ერთადერთი პარლამენტარი, რომელმაც ივანიშვილის წინააღმდეგ ქმედებებში გაერთიანებული სამეფოს უცნაური გაჭიანურება შეამჩნია. წარმომადგენელთა პალატის საგარეო ურთიერთობათა კომიტეტის წევრმა და ჰელსინკის კომიტეტის თავმჯდომარემ, ჯო უილსონმა ასევე მოუწოდა გაერთიანებულ სამეფოს, დაუყონებლივ დაუწესოს სანქციები ჩინეთის კომუნისტური პარტიის მეგობარს, ბიძინა ივანიშვილს, მისი ოჯახის წევრებს და მისი საქმიანობის ხელისშემწყობი პირების ქსელს. ივანიშვილის მსგავს კლეპტოკრატებს არასოდეს უნდა შეეძლოთ ბრიტანეთის ზღვისიქითა ტერიტორიების გამოყენება მათი მოპარული სიმდიდრის გასათეთრებლად, მაგრამ თუ ამის გაკეთებას აგრძელებენ, ამიერიდან უნდა იცხოვრონ შიშით, რომ გაერთიანებული სამეფო გამოიყენებს სანქციების ძალას მათთვის პასუხისმგებლობის დაკისრების მიზნით", — წერს ნეით სიბლი.

ჰადსონის ინსტიტუტის კლეპტოკრატიის კვლევის ცენტრის დირექტორის წერილს X-ზე გამოეხმაურა სენატორი ჯო უისლონი. ის მადლობას უხდის ნეით სიბლის და ჰადსონის ინსტიტუტს პოზიციის მკაფიოდ გამოხატვისთვის.

"მადლობა ნეით სიბლის და ჰადსონის ინსტიტუტს მკაფიო განცხადებისთვის, სადაც ისინი დიდ ბრიტანეთს მოუწოდებენ, დააწესონ სანქციები ივანიშვილზე, მისი ოჯახის წევრებსა და უახლოეს გარემოცვაზე. ივანიშვილმა გააყალბა საქართველოში არჩევნები და მიყიდა ქვეყანა ჩინეთის კომუნისტურ პარტიას, ომის დამნაშავე პუტინს და ირანის რეჟიმს.", — წერს კონგრესმენი.