"საერთაშორისო გამჭვირვალობა — საქართველოს" რეგიონული ოფისების ხელმძღვანელი, ზვიად ქორიძე, ბათუმში, მომხდარი დაპირისპირების საქმეზე დაზარალებულად ცნეს.

ქორიძემ საინფორმაციო სააგენტო "ინტერპრესნიუსს" განუცხადა, რომ დადგენილება დაზარალებულად ცნობის შესახებ დღეს, 22 იანვარს გადასცეს.

ცნობისთვის, ზვიად ქორიძის განცხადებით, მას ბათუმში, სასტუმრო „შერატონში“, „ქართული ოცნების“ დეპუტატი დიმიტრი სამხარაძე დაესხა თავს. მომხდარის დეტალებზე საუბრისას, ქორიძემ განაცხადა, რომ სამხარაძე იგინებოდა, იყო მუქარაც, საბოლოოდ კი ინციდენტში დაცვა ჩაერია. ქორიძე კლინიკაშიც იმყოფებოდა.

შეგახსენებთ, 15 იანვარს, ბათუმში მდებარე სასტუმრო "შერატონში" "ქართული ოცნების" დეპუტატი დიმიტრი სამხარაძე ზვიად ქორიძეს დაესხა თავს. აღნიშნულის შესახებ დეტალებზე საუბრისას ქორიძემ აღნიშნა, რომ სამხარაძე იმუქრებოდა, იგინებოდა, რის გამოც, ინციდენტში დაცვა ჩაერია. ქორიძე იმყოფებოდა კლინიკაშიც.

იმავე დღეს, ბათუმის "შერატონში" "ოცნების" წარმომადგენლების მხრიდან თავდასხმა განხორციელდა "გახარია — საქართველოსთვის" ლიდერ, გიორგი გახარიაზეც.