თურქეთი ბოლუს პროვინციაში, სამთო-სათხილამურო კურორტ კარტალკის ერთ-ერთ სასტუმროში გაჩენილი ხანძრის შედეგად დაღუპულთა რაოდენობა 76-მდე გაიზარდა. ამის შესახებ ინფორმაციას თურქული მედია ავრცელებს.

როგორც თურქეთის პრეზიდენტმა, რეჯეფ თაიფ ერდოღანმა განაცხადა, ვინც ამ ტრაგიკულ ინციდენტზეა პასუხისმგებელი, ყველა დაისჯება. ამასთან, მან მომხდარ ტრაგედიასთან დაკავშირებით ქვეყანაში გლოვის დღე გამოაცხადა.

ცნობისთვის, ხანძარი თურქეთის ბოლუს პროვინციაში, სამთო-სათხილამურო კურორტ კარტალკაიაში მდებარე სასტუმროში გუშინ გაჩნდა. როგორც, ბოლუს გუბერნატორი აბდულაზიზ აიდინი ამბობს, სასტუმროში 234 ადამიანი იმყოფებოდა, როდესაც ცეცხლი გაჩნდა და წინასწარი ინფორმაციის თანახმად, პირველად ხანძარი სასტუმროს მეოთხე სართულზე მდებარე რესტორანში გაჩნდა. ხანძრის გამომწვევი მიზეზის დასადგენად გამოძიებაა დაწყებული