უკრაინის პრეზიდენტმა, ვოლოდიმირ ზელენსკიმ X-ზე პოსტი გამოაქვეყნა, რომელშიც საუბრობს ბოლო კვირის განმავლობაში უკრაინის თავდაცვის ძალების მიერ განეიტრალებულ რუსულ იარაღზე. ზელენსკიმ აღნიშნა, რომ შორს თავდასხმის შესაძლებლობების ზრდა უკრაინისთვის აიძულებს რუსეთს, მშვიდობის დამყარება დააჩქაროს.

"მხოლოდ ამ კვირაში, უკრაინის თავდაცვის ძალებმა ჩამოაგდო 33 ჭურვი, მათ შორის ბალისტიკური რაკეტები და 311 შემტევი დრონი. დამატებით 136-მა დრონმა სამიზნეს ვერ მიაღწია.

გულწრფელ მადლიერებას ვუძღვნი ჩვენს თითოეულ მებრძოლს — სამხედრო ავიაციას, ანტისაჰაერო თავდაცვას, ელექტრონული ომის დანაყოფებს და მობილურ საცეცხლე ჯგუფებს. ჩვენს ურყევ მისიად კვლავ ჩვენი ცის დაცვის გაძლიერება რჩება.

ჯამში, გასულ კვირაში რუსეთის არმიამ, დაახლოებით, 550 თავდასხმითი დრონი, სხვადასხვა სახის 60 ჭურვი და 660-ზე მეტი საჰაერო ბომბი გამოიყენა. უკრაინისათვის PATRIOT-ის მეტი სისტემა მეტ დაცულ სიცოცხლეს ნიშნავს. უკრაინისათვის შორ მანძილზე დარტყმის მეტი შესაძლებლობები ნიშნავს უფრო ძლიერ გარანტიებს, რომ რუსეთის ომი შეიძლება შეჩერდეს", — წერს ვოლოდიმირ ზელენსკი.