პლატფორმა აღარ იძებნება Apple-ისა და Google-ის აპლიკაციების მარკეტებში.

19 იანვრის ღამეს TikTok შეერთებულ შტატებში გაითიშა, რის შემდეგაც 170 მილიონი ამერიკელს მსოფლიოში ერთ-ერთ ყველაზე პოპულარულ სოციალური მედიის აპლიკაციაზე წვდომა შეეზღუდა, — ამის შესახებ CNN წერს.

TikTok-მა მომხმარებლებს ასეთი შეტყობინება გაუგზავნა:

"ბოდიში, TikTok ამჟამად არ არის ხელმისაწვდომი. აშშ-ში TikTok-ის აკრძალვის კანონი ამოქმედდა. სამწუხაროდ, ეს ნიშნავს, რომ თქვენ არ შეგიძლიათ გამოიყენოთ TikTok. ჩვენთვის სასიხარულოა, რომ პრეზიდენტმა ტრამპმა გამოთქვა მზადყოფნა, იმუშაოს ჩვენთან ერთად TikTok-ის აღდგენის გადაწყვეტილებაზე თანამდებობის დაკავების შემდეგ. გთხოვთ, დაელოდოთ განახლებებს".

არჩეულმა პრეზიდენტმა ტრამპმა შაბათს, NBC News-თან სატელეფონო ინტერვიუში
თქვა, რომ ის "დიდი ალბათობით გააჭიანურებს TikTok-ის აკრძალვას ორშაბათს, თანამდებობის დაკავებიდან 90 დღით და დასძინა, რომ საბოლოო გადაწყვეტილება არ მიუღია.

უზენაესმა სასამართლომ პარასკევს მხარი დაუჭირა აკრძალვას, რომელიც მიღებულ იქნა კონგრესში ორპარტიული მხარდაჭერით.

BBC-ის ცნობით, 2024 წლის აპრილში აშშ-ს კონგრესმა მიიღო კანონი, რომელიც TikTok-ის ჩინელ მფლობელს, ByteDance-ს ავალდებულებს, პლატფორმა ამერიკულ კომპანიას მიჰყიდოს. წინააღმდეგ შემთხვევაში, 2025 წლის 19 იანვრიდან აშშ-ში სოციალურ ქსელს აკრძალვა დაემუქრება. კომპანიამ განაცხადა, რომ პლატფორმას არ გაყიდის.

ამერიკელი ოფიციალური პირები ამბობენ, რომ ჩინური კომპანია TikTok პეკინს ამერიკელების შესახებ მონაცემების შეგროვების და საზოგადოებრივ აზრზე გავლენის მოხდენის შესაძლებლობას აძლევს.

გასული წლის დეკემბერში, აშშ-ს სააპელაციო სასამართლომ დაამტკიცა კანონი აშშ-ში TikTok-ის აკრძალვის და განაცხადა, რომ ეს ღონისძიება გამართლებული იყო, როგორც ეროვნული უსაფრთხოებისთვის ბრძოლის ფართო ძალისხმევის ნაწილი.

2024 წლის აპრილში აშშ-ს კონგრესმა მიიღო კანონი, რომელიც TikTok-ის ჩინელ მფლობელს, ByteDance-ს ავალდებულებს, პლატფორმა ამერიკულ კომპანიას მიჰყიდოს. წინააღმდეგ შემთხვევაში, 2025 წლის 19 იანვრიდან აშშ-ში სოციალურ ქსელს აკრძალვა დაემუქრება. კომპანიამ განაცხადა, რომ პლატფორმას არ გაყიდის.

ამერიკელი ოფიციალური პირები ამბობენ, რომ ჩინური კომპანია TikTok პეკინს ამერიკელების შესახებ მონაცემების შეგროვების და საზოგადოებრივ აზრზე გავლენის მოხდენის შესაძლებლობას აძლევს.

გასული წლის დეკემბერში, აშშ-ს სააპელაციო სასამართლომ დაამტკიცა კანონი აშშ-ში TikTok-ის აკრძალვის და განაცხადა, რომ ეს ღონისძიება გამართლებული იყო, როგორც ეროვნული უსაფრთხოებისთვის ბრძოლის ფართო ძალისხმევის ნაწილი.