სასტუმრო "შერატონ ბათუმი" გიორგი გახარიაზე თავდასხმის შესახებ განცხადებას ავრცელებს. მათი თქმით, ისინი მზად არიან საგამოძიებო სამსახურს ყველა ჩანაწერი მიაწოდონ.

"ჩვენი სტუმრებისა და თანამშრომლების უსაფრთხოება ჩვენთვის უაღრესად მნიშვნელოვანია და რა თქმა უნდა აღნიშნულ ინციდენტს ვუდგებით სრული სერიოზულებით.

სასტუმრო აქტიურად თანამშრომლობს საგამოძიებო ორგანოებთან და მზადაა შესაბამისი მოთხოვნის და დოკუმენტაციის საფუძველზე მიაწოდოს მას შესაბამისი საგამოძიებო მასალა." — ნათქვამია სასტუმრო "შერატონის" განცხადებაში

15 იანვარს ბათუმში, სასტუმრო შერატონში ჟურნალისტ ზვიად ქორიძეს და პარტია საქართველოსთვის ლიდერს, გიორგი გახარიას ქართული ოცნების დეპუტატი დიმიტრი სამხარაძე და აჭარის უმაღლესი საბჭოს წევრი გიორგი მანველიძე, სხვა პირებთან ერთად, თავს დაესხნენ და ფიზიკურად გაუსწორდნენ