სომხეთის ეკონომიკის მინისტრმა, გევორგ პაპოიანმა განაცხადა, რომ ამჟამად სომხეთის ევრაზიის ეკონომიკური კავშირის (EAEU) წევრია და ორგანიზაციიდან გასვლის საკითხი დღის წესრიგში არ დგას. ამის შესახებ მან ორშაბათს გამართულ პრესკონფერენციაზე ისაუბრა, სადაც ასევე შეაჯამა სომხეთში 2024 წლის ეკონომიკური შედეგები.

"ევროკავშირში გაწევრიანების პროცესი პარალელური პროცესია. ჩვენი [სომხეთის] ამოცანაა არა ამ დღის წესრიგის განხილვა, არამედ ჩვენი ეკონომიკის მდგრადობის გაზრდა. სომხეთმა უნდა გაზარდოს თავისი პროდუქციის კონკურენტუნარიანობა, მიუხედავად იმისა, არის თუ არა ქვეყანა EAEU-ში თუ ევროკავშირში", — თქვა პაპოიანმა.

ცნობისთვის, 9 იანვარს, სომხეთის მთავრობის სხდომაზე, ქვეყნის ევროკავშირში გაწევრიანების პროცესის დაწყების შესახებ გადაწყვეტილება მიიღეს. მთავრობის წევრებმა დაამტკიცეს შესაბამისი კანონპროექტი, რომელიც სომხეთს ევროკავშირთან ურთიერთობების გაღრმავების გზაზე ახალ ეტაპზე გადაიყვანს.