რესტორან "ბაბილოსთან", სადაც მოსამართლეების კორპორაციული წვეულება მიმდინარეობდა, საპოლიციო ძალების განსაკუთრებული მობილიზებაა. მათ შორის არიან ნიღბიანები, გდდ-ს და კრიმპოლის წარმომადგენლები. ისინი გზის გაწმენდას ცდილობენ, რომ რესტორნიდან მოსამართლეები გამოიყვანონ.

მოსამართლეების ნაწილმა საპოლიციო ძალების მიერ გაკეთებული კორდორით რესტორნის მიმდებარე ტერიტორია უკვე დატოვა. შეკრებილები მათ აცილებით შეძახილებით: "მონებო, მონებო".

ცოტა ხნის წინ, ბელიაშვილის გამზირზე წყლის ჩავლის მანქანა გამოჩნდა, თუმცა, ის რესტორანთან არ გაჩერებულა.

რესტორნის მიმდებარეს, საპროტესტო აქციის მონაწილეებსა და პოლიციას შორის ადგილი ჰქონდა დაპირისპირებას, რის შემდეგაც აქციის რამდენიმე მონაწილე დააკავეს, პერიოდულად აქციის მონაწილეები საპოლიციო ძალებს ტერიტორიიდან გაჰყავთ. მანამდე, რესტორნიდან გამოსულ მოსამართლეებს შეკრებილებმა კვერცხები დაუშინეს.