დღეს, 11 იანვარს, პროევროპული აქციების დროს ჯგუფური ძალადობის ორგანიზების ბრალდებით დაკავებული 8 მოქალაქის სასამართლო პროცესი გაიმართება.

სხდომა თბილისის საქალაქო სასამართლოში 10:00 საათზეა დანიშნული.

აღნიშნულ სასამართლო პროცესზე იმსჯელებენ ბრალდებულების: ზვიად ცეცხლაძის, ვეფხია კასრაძის, ვასილ კაძელაშვილის, გიორგი გორგაძის, ირაკლი მიმინოშვილის, ინსაფ ალიევის, თორნიკე გოშაძის და ნიკოლოზ ჯავახიშვილის მიმართ შეფარდებული აღკვეთის ღონისძიების, პატიმრობის გადასინჯვაზე.

აქედან, ჯგუფური ძალადობის ორგანიზებასა და ხელმძღვანელობას ედავებიან დაკავებულიდან სამ პირს: ზვიად ცეცხლაძეს, ვეფხია კასრაძესა და ვასილ კაძელაშვილს, რის გამოც, მათ 6-დან 9-წლამდე თავისუფლების აღკვეთა ემუქრებათ.

რაც შეეხება ბრალდებულებიდან დანარჩენ ხუთს: გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან, რის გამოც მათ 4-დან 6-წლამდე თავისუფლების აღკვეთა ემუქრებათ.