2025 წელი კინემატოგრაფიაში ერთ-ერთი ყველაზე საინტერესო იქნება. ფილმები, რომლებიც ეკრანებზე მალე გამოვა, ახალი იდეებითა და უნიკალურ ხედვებით იქნება სავსე. ამ სტატიაში წარმოგიდგენთ 10 ფილმს, რომლებიც შესაძლოა უახლოეს მომავალში თანამედროვე კინოს კლასიკები გახდნენ.

1. Captain America: Brave New World

სია ახალი კაპიტანი ამერიკით უნდა დავიწყოთ! სემ უილსონი, რომელიც სტივ როჯერსის ფარს მიიღებს, გლობალური გამოწვევების წინაშე დგება. კაპიტანი ამერიკის როლს კრის ევანსის ნაცვლად ენტონი მაკი შეასრულებს. გულშემატკივრები მოუთმენლად ელიან მარველის ახალი ეპოქის დასაწყისს.

პრემიერის თარიღი: 14 თებერვალი

2. Mission: Impossible – The Final Reckoning

ეთან ჰანტი უკანასკნელი, ყველაზე რთული მისიის შესრულებას ცდილობს. მას დედამიწის გადარჩენასთან ერთად, მოღალატეებთან ბრძოლაც მოუწევს. ტომ კრუზის შთამბეჭდავი შესრულება კიდევ ერთხელ გაგვაოცებს და როგორც გვპირდებიან, ეს ფილმი ფრენჩაიზის გრანდიოზული და ღირსეული დასასრული იქნება.

გამოსვლის თარიღი: 23 მაისი.

3. Jurassic World: Rebirth

დინოზავრების ეპოქა ბრუნდება! ამჯერად სრულიად ახალ სამყაროში, სადაც ისინი თავისუფლად ცხოვრობენ. ადამიანებს კი თავიანთ შეცდომებზე პასუხისმგებლობის აღება მოუწევთ. ფილმი ძველ, ჩვენთვის საყვარელ ელემენტებთან ერთად სრულიად ახალ, ინოვაციურ სიუჟეტსა და პერსპექტივებს გვპირდება.

გამოსვლის თარიღი: 2 ივლისი.

4. Superman: Legacy

სუპერმენი ახალი ისტორიით ბრუნდება! სიუჟეტი მისი ცხოვრების რთული გამოწვევების გარშემო ვითარდება, რომლებიც მისი კრიპტონური მემკვიდრეობის დაცვას და მასთან დაკავშირებული ადამიანური ასპექტების აღქმას ეხება.

გამოსვლის თარიღი: 11 ივლისი.

5. Fantastic Four

რეჟისორ მეტ შაკმანის სამეცნიერო ფანტასტიკურ ფილმში მაყურებელი Marvel-ის საყვარელ სუპერგმირებს პირველად იხილავს MCU-ში. ფილმი ოთხ მეგობარზე მოგვითხრობს, რომლებიც კოსმოსურ ექსპედიციაში მისტიკურ ძალებს იძენენ. ფილმი კომედიის, კოსმოსური თავგადასავლებისა და "ოჯახური" დრამის უნიკალურ კომბინაციას გვპირდება და როგორც ამბობენ, ეს ფილმი მარველის სამყაროში ახალი ეპოქის დასაწყისი გახდება.

გამოსვლის თარიღი: 25 ივლისი.

6. Avatar 3: Fire and Ash

დრამისა და ფანტასტიკის ნაზავი, ავატარი 3, პანდორას ახალ, ვულკანურ რეგიონებში გადაგვიყვანს, სადაც ნეიტირისა და ჯეიკის ოჯახი ახალ გამოწვევებს შეხვდება. ფილმი ბუნების ძალებსა და ადამიანურ დრამას აერთიანებს. ჯეიმს კამერონი გვპირდება, ვიზუალურად და ემოციურად მდიდარ თავგადასავალს, რომელიც მაყურებელს ეკრანებთან მიაჯაჭვებს.

გამოსვლის თარიღი: 19 დეკემბერი.

7. Wolf Man

ფილმი მაქციაზე კლასიკურ ისტორიას თანამედროვე ელფერით აცოცხლებს. ფილმი მოგვითხრობს კაცზე, რომელიც სავსე მთვარეზე საზარელ მხეცად იქცევა. ეს იქნება საშინელებისა და დრამის უნიკალური შერწყმა.

გამოსვლის თარიღი: 17 იანვარი.

8. Tron: Ares

ტექნოლოგიური დრამისა და სამეცნიერო ფანტასტიკის ნაზავი, Tron: Ares ციფრულ სამყაროში მყოფ გმირზე მოგვითხრობს, რომელიც ახალ რეალობასთან ადაპტაციას ცდილობს. როგორც გვპირდებიან, ფილმში ვიზუალურად რევოლუციური და ღრმა ფილოსოფიური სიუჟეტი იქნება, რომელიც ძველ და ახალ თაობებს გააერთიანებს.

გამოსვლის თარიღი: 10 ოქტომბერი.

9. Snow White

დისნეი კლასიკური ზღაპრის ცოცხალ ადაპტაციას რეჟისორი მარკ უების ხელმძღვანელობით გვთავაზობს. მთავარ როლებში რეიჩელ ზეგლერსა და გალ გადოტს ვიხილავთ, რომლებიც ფიფქიასა და ბოროტ დედინაცვალს ასახიერებენ.

გამოსვლის თარიღი: 21 მარტი

10. F1

მძაფრსიუჟეტიანი დრამისა და სპორტის ნაზავი, ფორმულა 1 რბოლების სამყაროს სიღრმეებში გვამოგზაურებს. ფილმი მოგვითხრობს სისწრაფისა და დიდების წყურვილზე, რომლისთვისაც გმირები მზად არიან ყველაფერი დათმონ. დამაფიქრებელი და დინამიკური სიუჟეტი მაყურებელს ადრენალინით სავსე გამოცდილებას შესძენს.

გამოსვლის თარიღი: 27 ივნისი.