ოკუპირებული გალის რაიონის სოფელ საბერიოში ხანძრის შედეგად დაშავებული ქალი — დაღუპული ბავშვების ბებია რუხის კლინიკიდან ქუთაისის რეფერალურ კლინიკაში გადაიყვანეს. ექიმის თქმით, პაციენტს მესამე ხარისხის დამწვრობა აქვს. ქალის მდგომარეობა სტაბილურია.

"შემოსვლისას პაციენტის მდგომარეობა იყო საშუალო სიმძიმის, კონტაქტური, ადეკვატური, აღენიშნება დამწვრობითი ჭრილობები სახისა და ორივე წინა მხრის არეში... მდგომარეობა რჩება სტაბილური, საშუალო სიმძიმის, განაგრძობს მკურნალობას ქირურგიულ განყოფილებაში" — ამბობს ექიმი ზურაბ წულაია.

ხანძარს ოკუპირებული გალის რაიონის სოფელ საბერიოში ხუთი ბავშვი ემსხვერპლა. შემთხვევა 5 იანვარს დილით ოჯახში მოხდა. მცირეწლოვნები სახლში ბებიასთან ერთად იყვნენ.