ჩინეთის პრეზიდენტმა სი ძინპინმა "ოცნების" პრეზიდენტ ყაველაშვილს ინაუგურაცია მიულოცა, რითაც ხაზი გაუსვა ჩინეთი-საქართველოს სტრატეგიულ ურთიერთობებში არსებულ "პოზიტიურ მომენტუმს". ინფორმაციას OC MEDIA ავრცელებს.

"სი ძინპინმა აღნიშნა, რომ ჩინეთ-საქართველოს ამჟამინდელი სტრატეგიული პარტნიორობა ინარჩუნებს განვითარების პოზიტიურ იმპულსს", — ნათქვამია ჩინეთის საგარეო საქმეთა სამინისტროს განცხადებაში.

ჩინეთის პრეზიდენტმა მიხეილ ყაველაშვილთან თანამშრომლობის სურვილი გამოთქვა.

"მე დიდ მნიშვნელობას ვანიჭებ ჩინურ-ქართული ურთიერთობების განვითარებას და მზად ვარ ვიმუშაო პრეზიდენტთან [მიხეილ ყაველაშვილთან], რათა ქვეყნებს შორის არსებული ტრადიციული მეგობრობა, ურთიერთ სასარგებლო თანამშრომლობა გავაღრმაო, ხელი შევუწყო ჩინურ-ქართული ურთიერთობების განვითარებას და ადამიანების უკეთესი კეთილდღეობის შექმნას", — აღნიშნულია სი ძინპინის განცხადებაში.

ცნობისთვის, ჩინეთის ლიდერმა 31 დეკემბერს ყაველაშვილს ახალი წელი მიულოცა.