თბილისის მერმა, კახა კალაძემ პარლამენტში გამართულ ბრიფინგზე განაცხადა, რომ "არ იცის და არ სმენია" ვინ არის შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს ყოფილი უფროსი, რომელმაც 28 დეკემბერს ტვ პირველის ეთერში განაცხად, რომ ვერტიკალური მართვაა შსს-ში, აქციის მონაწილეების დარბევას კურირებს ზვიად ხარაზიშვილ და არ არის გამორიცხული ამ პროცესში ჩართული ყოფილიყო ბიძინა ივანიშვილი.

"ვინ არის შაიშმელაშვილი? არა, არ ვიცი. არ მომისმენია", — თქვა კალაძემ.

"რაც შეხება აქციებს, სრული პასუხისმგებლობით ვამბობ, პოლიცია, აბსოლუტურად თავისთვის მდგარი, რომელიც იცავს საზოგადოებრივ წესრიგს. ვნახეთ კონკრეტული ფაქტები, როცა მომიტინგეების ძალადობრივი წარმომადგენლები მიდიან პოლიციელებთან და აყენებენ სიტყვიერ შეურაცხყოფას. ფიზიკურ შეურაცხყოფას, ესვრიან მოლოტოვის კოქტეილებს, მძიმე საგნებს ქვებს. ამას შემდეგ მოჰყვება ძალადობა, რომ არა ეს ძალადობა, არც ერთ ადამიანს არც ერთი თმის ღერი არ ჩამოუვარდებოდა. ყველას აქვს ქვეყანაში იმის უფლება რომ გამოხატო თავისი მოსაზრება თუ დამოკიდებულება ამა თუ იმას საკითხზე, მაგრამ როგორც კი კანონის ჩარჩოებს გასცდებით, ამას ექნება სახელმწიფოს მხრიდან რეაგირება", — განაცხადა კალაძემ.