საქართველოს ჟურნალისტური ეთიკის ქარტია რუსთავი 2-ის, იმედის, პირველი რადიოს, პალიტრანიუსისა და აქცენტების წინააღმდეგ საქმეს განიხილავს. ქარტიას განცხადებით რუსეთის მიერ ანექსირებულ ყირიმში არსებულ მოსწავლეთა ბანაკ არტეკში მყოფი ბავშვის მშობელმა, როზეტა რაფავამ მიმართა.

განმცხადებელი მიიჩნევს, რომ აღნიშნულმა მედიასაშუალებებმა დაარღვიეს ქარტიის მე-8 პრინციპი, რომელიც ჟურნალისტს ბავშვის ინტერესების დაცვას ავალდებულებს:

"არასრულწლოვნების მშობლების ნებართვის გარეშე გავრცელდა მათი პირადი ინფორმაცია სახელი-გვარი, ფოტოები ნეგატიურად და დამახინჯებულად იქნა ინფორმაცია გავრცელებული", - აცხადებს როზეტა რაფავა.

თბილისის 146-ე სკოლის ექვსი მოსწავლის რუსული ენის შემსწავლელ კურსებზე ანექსირებულ ყირიმში გამგზავრებაზე ინფორმაცია 21 აგვისტოს გავრცელდა.

ქარტიის საბჭო განცხადებას ღია სხდომაზე განიხილავს.