დღეს საზოგადოებრივ მაუწყებელთან მიმდინარე აქციაზე სამომავლო გეგმები დაანონსდა. საზმაუს თანამშრომლების ნაწილი და სხვადასხვა სფეროს წარმომადგენელი ღია ეთერს ითხოვენ.

გიორგი ჭანტურიას განაცხადებით, ხვალიდან საზოგადოებრივი მაუწყებლის შენობის წინ სახალხო ტელევიზიას მოაწყობენ და იქ ისაუბრებენ თემებზე, რომლის განხილვასაც პირველი არხის ეთერიდან ითხოვენ.

"სანამ ჩვენ ამ დღის ეთერს არ დაგვიკმაყოფილებენ, ჩვენ ვგეგმავთ, რომ ხვალიდან სახალხო ტელევიზია მოვაწყოთ ტელევიზიის წინ და ზუსტად აქ გაიმართოს ის გადაცემები და დისკუსიები, რაც ჩვენ გვინდა, რომ შუქდებოდეს შიგნით, ამიტომ, ტელევიზია ტელევიზიის წინ – ხვალიდან, ეს არის ერთ-ერთი მნიშვნელოვანი სიახლე, ამისთვის ჩვენ ვემზადებოდით და ხვალიდან პირველი ეთერი მოეწყობა ზუსტად ამ კიბეებიდან და მეტწილად დაეთმობა ჩვენ პროტესტს და ტყიბულში განვითარებულ მოვლენებს, სადაც მეშახტეები თავად ისაუბრებენ", — განაცხადა გიორგი ჭანტურიამ.

საზოგადოებრივი მაუწყებლის თანამშრომლების ნაწილი რამდენიმე დღეა, პოლიტიკური დისკუსიებისთვის დღის ეთერის გახსნას ითხოვს.