თეორიებისა და ჭორ-მართალის გარკვევას დროებით შევეშვათ, გვერდზე გადავდოთ რკინის ტახტისთვის ბრძოლაც და სერიალის მიღმა, რეალურ ცხოვრებაში გაჩაღებულ "ბრძოლაზე" გავამახვილოთ ყურადღება, რომელშიც ერთმანეთს სერსეისა და ბრონის როლის შემსრულებლები, ლინა ჰედი და ჯერომ ფლინი უპირისპირდებიან.

GOT-ის დაკვირვებულმა მაყურებლებმა არაერთხელ შეამჩნიეს და აღნიშნეს, რომ სერსეისა და ბრონს საერთო სცენები საერთოდ არ აქვთ, ისინი ერთმანეთის გვერდით დგანან, სხვებს ესაუბრებიან, განიხილავენ გეგმებს სამომავლო ბრძოლებზე, მაგრამ არასდროს არ ესაუბრებიან ერთმანეთს, არადა წესით მათ ბევრი უნდა ჰქონდეთ ერთმანეთთან სათქმელი.

საქმე იმაში მდგომარეობს, რომ რეალურ ცხოვრებაში, იქ სადაც დრაკონები და ნაით კინგი არ არსებობენ, ლინასა და ჯერომ ერთმანეთი შეუყვარდათ. უცნობია როდის დაიწყო მათი ურთიერთობა, თუმცა ვიცით ის, რომ 2014 წლის მარტში ჰედი და ფლონი ერთმანეთს ძალიან ცუდად დაშორდნენ, იმდენად ცუდად, რომ ორივე მათგანმა HBO-ს კონტრაქტში მოსთხოვა დაემატებინა პუნქტი, სადაც ჩაიწერებოდა, რომ ლინასა და ჯერომის პერსონაჟებს სამეფო კარის თამაშებში საერთო სცენა არასდროს ექნებოდათ.

დრო და დრო კი გადასაღები მოედნიდან გამოტანილი ინფორმაციები კიდევ უფრო ამყარებდა ეჭვს ამ ორი მსახიობის დაპირისპირებაზე. მაგალითად, გადამღები ჯგუფის რამდენიმე წევრმა აღნიშნა, რომ ლინა და ჯერომი არასდროს ჩერდებიან საერთო ოთახში (როდესაც ერთი შედის მეორე გამოდის), არ საუბრობენ და მეტიც, ერთმანეთს საერთოდ არ უყურებენ.

საინტერესოა, რა მოხდა მათ ურთიერთობაში ისეთი, რის გამოც ამ ორმა მსახიობმა ერთმანეთი ასე შეიძულა?