საქართველოს საბანკო ასოციაციის განცხადებით, "საბანკო სისტემა საერთაშორისო საფინანსო სისტემის განუყოფელი ნაწილია. ის განუხრელად იცავდა და დაიცავს აშშ-ს, ევროკავშირის და გაერთიანებული სამეფოს მიერ დაწესებულ სანქციებს და გადაწყვეტილებებს მათთან შესაბამისობაში იღებს". ინფორმაციას ტაბულა ავრცელებს.

შეგახსენებთ, რომ 19 დეკემბერს დიდმა ბრიტანეთმა პოლიციის მაღალჩინოსნები, მათ შორის შს მინისტრი ვახტანგ გომელაური, შს მინისტრის მოადგილე ალექსანდრე დარახველიძე, თბილისის პოლიციის დეპარტამენტის უფროსი სულხან თამაზაშვილი, განსაკუთრებულ დავალებათა დეპარტამენტის უფროსი ზვიად ხარაზიშვილი ("ხარება") და მისი მოადგილე მილერი ლაგაზაური დაასანქცირა.

ამავე დღეს, აშშ-მა მაგნიცკის აქტით დაასანქცირა შსს-ს მინისტრი ვახტანგ გომელაური და სპეცრაზმის უფროსის მოადგილე მირზა კეზევაძე.