ჯოზეფ ხანის მიერ გადაღებული Look What You Made Me Do ჯერ 2 დღისაც არაა და იუთუბზე უკვე 53 მილიონი ნახვა აქვს. სცენა, ტეილორ სვიფტის ახალი კლიპიდან, რომელშიც ის მუსიკის სტრიმინგის კომპანიას ძარცვავს, უფრო და უფრო რეალური ხდება.

ფოტო: BIG MACHINE LABEL GROUP

სვიფტის ახალი ალბომიდან პირველი სიმღერა 4 დღეა რაც გამოვიდა და მან უკვე მოხსნა Spotify-ის და YouTube-ის რეკორდები.

სვიფტმა ვიდეოს მოწონების რაოდენობებით უკვე გაუსწრო ადელს და მის მეგობარს ედ შირანს.

პარასკევს, 25 აგვისტოს, Look What You Made Me Do-ს სპოტიფაის მომხმარებლებმა 8 მილიონზე მეტჯერ მოუსმინეს, რაც სიმღერის გამოსვლის დღეს დაგროვებული მოსმენების რეკორდული რაოდენობაა.

ორშაბათს, გამთენიისას გამოსულმა კლიპმა კი იუთუბზე 24 საათში 39 მილიონზე მეტი ნახვა მოაგროვა, რითიც ადელის - Hello-ს რეკორდი მოხსნა, რომელმაც გამოსვლის დღეს მხოლოდ 27,7 მილიონი ნახვა დააგროვა.