როგორც აღმოჩნდა, ინსტაგრამის დედოფლის ექაუნთი ჰაკერებისთვის არც ისე მიუწვდომელი აღმოჩნდა. გუშინ სელენა გომეზის ინსტაგრამი გატეხეს და მასზე ჯასტინ ბიბერის ბორა-ბორაზე გადაღებული შიშველი ფოტოები გამოაქვეყნეს.

ბიბერის ფოტომ 1 წუთში რამდენიმე ათეული ათასი მოწონება მიიღო, თუმცა სელენას ინსტაგრამი ძალიან მალე დაიხურა და ცოტა ხანში აღდგა.

ბიბერი და გომეზი ერთმანეთს 2011-2014 წლებში ხვდებოდნენ. წყვილი რამდენჯერმე დაშორდა და შერიგდა, თუმცა მათ დაშორებაზე საბოლოოდ 2014 წელს განაცხადეს.

2015 წელს ბიბერმა ელენ დეჯენერისის შოუში თქვა, რომ თავისი ალბომიდან 3 სიმღერა სელენას ეძღვნებოდა. ინტერვიუებში ჯასტინი ამბობდა, რომ სელენა ძალიან უყვარდა, თუმცა გომეზი უკვე სხვას ხვდებოდა. სელენა ახლა ოსკარის ნომინანტი მომღერლის, The Weeknd-ის შეყვარებულია.

სელენა გომეზს ინსტაგრამზე ყველაზე მეტი ფოლოუერი ჰყავს. ის 5 ყველაზე პოპულარული პოსტის ავტორიცაა. სანამ მისი ინსტაგრამი გაითიშა, ინსტაგრამის ყველაზე მეტფოლოუერიანი პროფილი რამდენიმე წუთით არიანა გრანდეს ჰქონდა.