ბაიბა ბრაჟემ ბრიუსელში ევროკავშირის საგარეო საქმეთა მინისტრების საბჭოს სხდომის დაწყებამდე საქართველოში არსებულ სიტუაციასთან დაკავშირებით კომენტარი გააკეთა.

"ხედავთ, რომ ქართველი ხალხი მტკიცედ უჭერს მხარს ევროპულ მომავალს, მაგრამ ეს არის ის, რასაც ხელისუფლება არ უჭერს მხარს — ეს არის დიდი განსხვავება ამ ორს შორის. გარდა ამისა, ჩვენ ვხედავთ ზოგიერთი ძირითადი უფლების დარღვევას, რასაც ჩვენ ყველამ ხელი მოვაწერეთ, მათ შორის შეკრებისა და გამოხატვის თავისუფლებას და სხვა. საქართველოს ჩინოვნიკების გარკვეული რაოდენობა ეროვნულ სიაში შევიყვანეთ, ისინი ლატვიაში არასასურველი [ვიზიტორები] არიან. ჩვენ ამ საკითხს ევროკავშირის დონეზე განვიხილავთ და გარკვეულ გადაწყვეტილებებს მივიღებთ. ჩვენ გადაწყვეტილებებს ასევე ველოდებით დიპლომატიური პასპორტების მფლობელების მოგზაურობასთან და სხვა საკითხებთან დაკავშირებით.

საქართველოს მთავრობამ უნდა გადაწყვიტოს, რა იქნება შემდგომი ნაბიჯები. ჩვენი მოლოდინია, რომ ისინი ქართველი ხალხის მოთხოვნის შესაბამისად იმოქმედებენ. რაც შეეხება ადამიანის უფლებების დარღვევებს და სხვას და სხვას, ამიტომ გვაქვს ადამიანის უფლებების გლობალური მექანიზმები. ასე რომ განვიხილავთ, ჩვენ გვჭირდება ერთსულოვნება, არ მსურს იმის პროგნოზირება, როგორი იქნება უნგრეთის პოზიცია", — განაცხადა ლატვიის საგარეო საქმეთა მინისტრმა.