საქართველოს პრეზიდენტის, სალომე ზურაბიშვილის თქმით, ევროპული საბჭოს პრეზიდენტ ანტონიო კოშტასთან სატელეფონო საუბარში ხაზი გაუსვა ახალი არჩევნების დანიშვნის მნიშვნელობას და დასძინა, რომ ეს კრიზისიდან გამოსვლის ერთადერთი მშვიდობიანი გზაა.

ამის შესახებ ზურაბიშვილი სოციალურ ქსელ Xზე წერს.

საქართველოს პრეზიდენტის თქმით, თავის მხრივ კოშტამ დაუდასტურა, რომ ევროკავშირში ქართველი ხალხის და მისი ევროპული მომავლის მხარდაჭერას გააგრძელებს.

"დღეს საღამოს საქართველოში განვითარებული მოვლენების შესახებ საუბარი მქონდა ევროპული საბჭოს პრეზიდენტ ანტონიო კოშტასთან.

ხაზგასმით აღვნიშნე, რომ კრიზისიდან გამოსვლის ერთადერთი მშვიდობიანი გზა პოლიტიკურია — ახალი არჩევნები!

პრეზიდენტმა კოშტამ დამიდასტურა, რომ ევროკავშირი ქართველი ხალხის და მისი ევროპული მომავლის მხარდაჭერას გააგრძელებს", — წერს ზურაბიშვილი X-ზე.