სამშაბათს, 17 დეკემბერს, ევროპარლამენტში, საქართველოში მშვიდობიანი პროევროპული დემონსტრანტების დარბევასთან დაკავშირებით, დებატები ჩაინიშნა. ამის შესახებ ევროკავშირის პრესსპიკერის, ანიტა ჰიპერის განცხადებაშიც იყო ნათქვამი, რომელიც 10 დეკემბერს გამოქვეყნდა.

10 დეკემბრის განცხადებაში ნათქვამი იყო, რომ ქართული ოცნების მოქმედებამ გამოიწვია ევროკავშირში გაწევრიანების პროცესის დე ფაქტო შეჩერება და დამატებით ზომებს ევროკავშირი მომავალ საგარეო საქმეთა საბჭოზე განიხილავს, რომელიც 16 დეკემბერს გაიხსნება.

"თითქმის ორი კვირაა, რაც ქართველი ხალხი თავის დემოკრატიული და ევროპული მისწრაფებების დავისას პოლიციის მხრიდან სასტიკ და უკანონო ძალის გამოყენებას აწყდება. აქციის მონაწილეებისა და ოპოზიციის ლიდერების თვითნებური დაკავება გრძელდება, მედიის წარმომადგენლები სამართალდამცავი ორგანოების და არაფორმალური ძალადობრივი ჯგუფების სპეციალური სამიზნეები არიან.

400-ზე მეტი ადამიანი დააკავეს, 300-ზე მეტი კი ძალადობისა და არასათანადო მოპყრობის მსხვერპლია, ბევრი საჭიროებს სასწრაფო სამედიცინო დახმარებას. სამოქალაქო საზოგადოების ორგანიზაციებისა და საქართველოს სახალხო დამცველის შემაშფოთებელი ცნობები მიუთითებს მძიმე ძალადობაზე, რაც იწვევს სარწმუნო შეშფოთებას იწვევს წამება და არაადამიანურ მოპყრობა. მიუხედავად ამ ცნობებისა, ჯერჯერობით არცერთი პოლიციელი ან არაფორმალური ძალადობრივი ჯგუფის წარმომადგენელი არ დასჯილა.

ევროკავშირი გმობს ამ რეპრესიულ ქმედებებს მომიტინგეების, მედიის წარმომადგენლებისა და ოპოზიციის ლიდერების მიმართ და მოუწოდებს დაუყოვნებლივ გაათავისუფლონ ყველა დაკავებული პირი. ევროკავშირი მოითხოვს შეწყვიტოს ფართოდ გავრცელებული დაშინება, პოლიტიკური დევნა, წამება და მოქალაქეების არასათანადო მოპყრობა. ფუნდამენტური უფლებები, როგორიცაა მშვიდობიანი შეკრებისა და გამოხატვის თავისუფლების უფლება, უნდა იყოს დაცული და საქართველოს კონსტიტუციისა და საერთაშორისო ვალდებულებების შესაბამისად.

წამებისა და არასათანადო მოპყრობის შესახებ ყველა ბრალდება სარწმუნოდ უნდა იყოს გამოძიებული. მოვუწოდებთ ადგილობრივ და საერთაშორისო ორგანიზაციებს და სახალხო დამცველს, გააგრძელონ საქართველოში ადამიანის უფლებების ფართოდ გავრცელებული დარღვევების დოკუმენტირება.

ჩვენ მოვუწოდებთ ქართულ ოცნებას მდგომარეობის დეესკალაციისკენ და დაასრულოს ის გარემოება, რაც ასე ძვირად უჯდება ქართველ ხალხს. ძალადობა არ არის პასუხი მომიტინგეების მოთხოვნებზე, რომლებსაც საქართველოს დემოკრატიული და ევროპული მომავალი სურთ.

შეგახსენებთ, რომ სწორედ ქართული ოცნების მოქმედებამ გამოიწვია ევროკავშირში გაწევრიანების პროცესის დე ფაქტო შეჩერება. მუდმივმა დემოკრატიულმა უკუსვლამ და საქართველოს ხელისუფლების მიერ ბოლოდროინდელმა რეპრესიულმა საშუალებებმა გავლენა მოახდინა ჩვენს ორმხრივ ურთიერთობებზე. ევროკავშირი დამატებით ზომებს მომავალ საგარეო საქმეთა საბჭოზე, 16 დეკემბერს განიხილავს.

ევროკავშირი სოლიდარობას უცხადებს ქართველ ხალხს და მათ დემოკრატიულ და ევროპულ მისწრაფებებს?", — ნათქვამია 10 დეკემბერს გავრცელებულ წერილში.