იმისთვის, რომ საპროტესტო აქციებზე მომხდარი მოვლენების შესახებ მოქალაქეებს ინფორმაცია მიეწოდოს შეიქმნა ახალი სოციალური ქსელი MNT, რომელიც მომხმარებლებს მისცემს საშუალებას, რომ ინფორმაცია ერთმანეთს გაუზიარონ.

აპლიკაცია შექმნილია ნიკა შელიას მიერ, რომელიც LinkedIn-ზე წერს, რომ ახალი პლატფორმა დეზინფორმაციასა და ბოტების გავრცელებულ ცნობებს ფილტრავს, რაც მომხმარებლების ადგილმდებარეობის შესახებ ინფორმაციის გადამოწმებით ახერხებს.

"შეიქმნა ქართული სოციალური ქსელი რომელიც დაეხმარება მოქალაქეებს, აქციაზე, პარლამენტთან ან სხვა ლოკაციებზე მომხდარ მოვლენებზე მიიღონ გაუფილტრავი ინფორმაცია, პირდაპირ მოქალაქეებისგან და არა მედია საშუალებებისგან, რომლებიც წლების მანძილზე აშუქებენ დეზინფორმაციას და რუსულ ნარატივს.

პოსტის ან ვიდეოს ატვირთვა აპლიკაციაში მხოლოდ შესაძლებელია კონკრეტულ ლოკაციაზე, მხოლოდ მობილურით. ამით გაიფილტრება ის რუსული/ჩინური ბოტები რომლებიც სხვადასხვა ძალებით ცდილობენ Facebook, TikTok ზე ან X ზე დეზინფორმაციული კამპანიის გავრცელებას ქვეყანაში არსებულ მოვლენებზე.

აპლიკაციის კოდი არის სრულიად ღია და ყველას შეუძლია კონტრიბუცია!" - წერს შელია.

აპლიკაციის კოდის ნახვა შესაძლებელია Github-ზე.