2012 წლის მიწურულს, გია დვალს სთხოვა ოცნებამ, დაეწერა განათლების რეფორმის პროექტი, — ამის შესახებ სოციალურ ქსელში პროფესორი ზაალ კოკაია წერს. მისი თქმით, მათი მიამიტური სურვილი, რომ შეგვექმნა დასავლური ტიპის აკადემიური და სამეცნიერო სისტემა, კრახით დასრულდა და ოცნებამ ეს პროექტი თაროზე შემოდო.

"2012 წლის მიწურულს, გია დვალს სთხოვა ოცნებამ, დაეწერა განათლების რეფორმის პროექტი. გიამ შეგვკრიბა რამდენიმე მეცნიერი და სრულიად უსასყიდლოდ და ყოველგვარი ფორმალური სტატუსის გარეშე, ინტენსიური მუშაობის შედეგად დავწერეთ პროექტი, რომელიც ეფუძნებოდა აკადემიურ თავისუფლებას და საერთაშორისო შეფასების საფუძველზე პროფესურის უვადოდ დანიშვნას. ჩვენი მიამიტური სურვილი, რომ შეგვექმნა დასავლური ტიპის აკადემიური და სამეცნიერო სისტემა, კრახით დასრულდა და ოცნებამ ეს პროექტი თაროზე შემოდო.

ოცნების უარყოფითი დამოკიდებულების მიზეზი სახეზეა - მათ არ სურდათ დამოუკიდებელი, პოლიტიკური ზეწოლისგან თავისუფალი, საკუთარი აზრის და შეხედულებების მქონე, სამსახურის დაკარგვის შიშისგან თავისუფალი პროფესურა... ეს მათ არაფერში სჭირდებოდათ არც მაშინ, და მითუმეტეს ახლა...", — წერს პროფესორი ზაალ კოკაია სოციალურ ქსელში.