ევროპის საბჭოს საპარლამენტო ასამბლეის (PACE) მომხსენებლები ოპოზიციის ლიდერების დაკავებისა და პოლიციის მხრიდან ჟურნალისტებისა და მშვიდობიანი მომიტინგეების მიმართ ძალადობასთან დაკავშირებით შეშფოთებას გამოთქვამენ.

"დაკავებების დროს პოლიციის მხრიდან ძალადობასთან და ძალის გადამეტებულ გამოყენებასთან ერთად, ეს აჩენს კითხვებს პოლიტიკურად მოტივირებული დევნისა და მართლმსაჯულების შესახებ, რომელსაც ადგილი არ აქვს კანონის უზენაესობაზე დაფუძნებულ დემოკრატიულ საზოგადოებაში", – განაცხადეს ევროსაბჭოს საპარლამენტო ასამბლეის მონიტორინგის მომხსენებლებმა საქართველოს საკითხებში კლოდ კერნმა (საფრანგეთი, ALDE) და ედიტე ესტრელამ (პორტუგალია, SOC).

მომხსენებლებმა დაგმეს პოლიციის სისასტიკეც ჟურნალისტებისა და მშვიდობიანი დემონსტრანტების, მათ შორის ახალგაზრდების მიმართ.

"როგორც ჩანს, არის დაუსჯელობის განცდა პოლიციის ძალადობისა და ძალის გადამეტებული გამოყენებისთვის მომიტინგეების და ჟურნალისტების მიმართ, რაც მიუღებელია", — აცხადებენ მომხსენებლები.

PACE-ის მომხსენებლებმა ხელისუფლებას ეფექტიანი გამოძიებსკენაც მოუწოდეს.