სამართალდამცავებმა მეტრო "თავისუფლების" ამოსასვლელთან ერთი პირი დააკავეს. პოლიციელის განმარტებით, მოქალაქის დაკავების მიზეზი "პოლიციელების მიმართ სიტყვიერი შეურაცხყოფა" გახდა.

ადგილზე იმყოფებიან მოქალაქეები, რომლებიც მომხდარს ყიჟინით და შეძახილებით შეხვდნენ.

ცნობისთვის, ბოლო დღეების განმავლობაში, სამართალდამცავები "თავისუფლების" მეტროდან ამოსულ მოქალაქეებს ამოწმებენ. პოლიციელები მათ აჩერებენ, უმოწმებენ ჩანთებს და სთხოვენ პირადობის დამადასტურებელი მოწმობის წარდგენას.

აღსანიშნავია, რომ მოქალაქეები შესაბამისი ჩხრეკის ოქმის გარეშე დათვალიერებას ეწინააღმდეგებიან, თუმცა პოლიციელები ამტკიცებენ, რომ ეს არ არის ჩხრეკა, არამედ — "ზედაპირული შემოწმებაა".

ამასთან, მეტროსადგურის ტერიტორიაზე იმყოფებოდნენ ადვოკატებიც, რომლებიც მოქალაქეებს ადგილზე იცავენ.