დღეს ამბროლაურში საპროტესტო აქცია გაიმართა. შეკრებილები ქართული ოცნების ხელისუფლების გადაწყვეტილებას და ქვეყნის ევროინტეგრაციის კურსის შეჩერებას აპროტესტებდნენ.

ფოტოს და ინფორმაციას ფეისბუქ-ჯგუფ "დაიტოვეში" ეთო არსანიძე აქვეყნებს.

"ჩათვალეთ, რომ ხალხის ეს რაოდენობა, რუსთაველზე შეკრებილ 10 000 ადამიანს უდრის მინიმუმ, ისეთი რთული მდგომარეობაა რეგიონში.

ესეც უნდა იცოდეთ, რომ მერიის შენობის ფანჯრებიდან დასცინოდნენ ამ კარგ ხალხს და ვიდეოებს უღებდნენ, სხვას არც ველოდოთ.

აუცილებლად გავიმარჯვებთ", — წერს ეთო არსანიძე.