ოცნების პრემიერმინისტრი ირაკლი კობახიძე, ქვეყანაში საპროტესტო ტალღის პარალელურად, გაფიცვების კამპანიას სასოწარკვეთილების გამოხატულებად აფასებს და ამბობს, რომ ამას ვერანაირი ეფექტი ვერ ექნება, რადგან "რეალურად ყველაფერი არის დასრულებული".

"გაფიცვები ეს არის ერთგვარი სასოწარკვეთილების გამოხატულება. ნახეს, რომ ძალადობამ არ გაჭრა. ახლა არიან გადასულ ასეთ რაღაცაზე, თავის დამშვიდების ფორმაზე. თეატრების გაფიცვა არის აბსოლუტურად წარმოუდგენელი რამ. მე მგონი, მსოფლიოში ასეთი რამ არსად მომხდარა.

არანაირი ეფექტი არ შეიძლება ჰქონდეს თეატრის გაფიცვას. ეს არის უსუსური მცდელობა, რომ იმედი არ დაკარგონ, თუმცა რეალურად ყველაფერი არის დასრულებული. ნაცმაიდანი საქართველოში ვერ შედგა და ვერანაირად ვერ შედგება, ისინი არიან მცდელობების რეჟიმში", — თქვა კობახიძემ ბრიფინგზე.