თეატრისა და კინოს წარმომადგენლები შეკრებილები არიან თეატრალური უნივერსიტეტის მიმდებარე ტერიტორიაზე, სადაც სასწავლო დაწესებულების მოქმედი და ყოფილი სტუდენტები, შოთა რუსთაველის სახელობის, თეატრისა და კინო აკადემიის რექტორთან, გიორგი შალუტაშვილთან შეხვედრას და მისი მხრიდან ქვეყანაში მიმდინარე პოლიტიკურ პროცესებზე პოზიციის გამოხატვას ითხოვენ.

უნივერსიტეტთან შეკრებილი ხალხი საპროტესტო აქციების დროს დაკავებულებს სოლიდარობას უცხადებს და აღნიშნავს, რომ დაკავებულებს შორისაა უნივერსიტეტის ყოფილი და მოქმედი სტუდენტები.

ამასთან, ისინი ითხოვენ, რომ რექტორი გვერდში დაუდგეს უნივერსიტეტის ყოფილ და მოქმედ სტუდენტებს.

შეგახსენებთ, 4 დეკემბერს, ნოემბრის აქციებში აქტიური მონაწილე — მსახიობი ანდრო ჭიჭინაძე, საკუთარ სახლში დააკავეს. გავრცელებული ინფორმაციით, მას 9 წლით თავისუფლების აღკვეთა ემუქრება.