დღეს, 6 დეკემბერს, 16:00 საათზე განათლების სამინისტროსთან საპროტესტო აქცია გაიმართება, მთავარი მოთხოვნა კი განათლების მინისტრის და მისი მოადგილეების გადადგომაა.

"განათლების სამინისტრო დუმს, როცა ჩვენს მოსწავლეებს და სტუდენტებს ურტყამენ!", — ამის შესახებ ამბობენ საპროტესტო აქციის ორგანიზატორები. ამასთან, ისინი აცხადებენ, რომ "ქართული განათლება საფრთხეშია".

"ვიკრიბებით პარასკევს, 6 დეკემბერს, 4 საათზე განათლების სამინისტროსთან, რადგან ინსტიტუცია, რომელიც მოსწავლეების, მასწავლებლების, ბაღის აღმზრდელების, პროფესორების, სტუდენტებისა და მეცნიერების უფლებებს უნდა იცავდეს, ძალადობის ენით გველაპარაკება.

განათლების სამინისტრო დუმს, როცა ჩვენს მოსწავლეებს და სტუდენტებს ურტყამენ!

განათლების სამინისტრო დუმს, როცა ხმებს გვართმევენ!განათლების სამინისტრო დუმს, როცა ჩვენი შვილები ყოველ ღამე ძალადობის გაკვეთილებს უყურებენ პირდაპირ ეთერში!განათლების სამინისტრო განათლებასა და მეცნიერებაზე ზრუნვის ნაცვლად თავის მანდატს პარტიული კონტროლის გასამყარებლად იყენებს!განათლების სამინისტრო ახალისებს დასმენას, ემუქრება დირექტორებს, მასწავლებლებს, პროფესორებს, მოსწავლეებსა და საკუთარ თანამშრომლებს!

ამით განათლების სამინისტრო ამყარებს კონსტიტუციის ჩარჩოდან გასული, არალეგიტიმური და ავტორიტარული ხელისუფლების ძალაუფლებას.

ამიტომ მოვითხოვთ განათლების მინისტრისა და მისი მოადგილეების დაუყოვნებლივ გადადგომას!მოვუწოდებთ სამინისტროს თანამშრომლებს, შეუერთდნენ სახალხო პროტესტს!", — ნათქვამია ორგანიზატორების განცხადებაში.