რუსთაველის ეროვნული თეატრი არის ხელოვნების ტაძარი და ის არცერთ პოლიტიკურ ძალას არ ემხრობა, – წერს სოციალურ ქსელში რუსთაველის თეატრის დასის ხელმძღვანელი, რობერტ სტურუა. მისი თქმით, რუსთაველის თეატრის მოვალეობაა არ ჩაერიოს პოლიტიკაში.

"რუსთაველის ეროვნული თეატრი არის ხელოვნების ტაძარი და ის არცერთ პოლიტიკურ ძალას არ ემხრობა, მისი მოვალეობაა არ ჩაერიოს პოლიტიკაში. რამდენიც არ უნდა იდავონ პოლიტიკურმა ძალებმა, რუსთაველის ეროვნული თეატრი უნდა დარჩეს, როგორც ერის ტაძარი, ერის სულის სიწმინდის მატარებელი", — წერს რობერტ სტურუა.

ამ წუთებში რუსთაველის თეატრის შესავლელთან პოლიციაა განლაგებული. 16:00 საათზე თეატრში სახალხო კრების ჩატარება იყო დაანონსებული.