კანადის საგარეო საქმეთა მინისტრი, მელანი ჯოლი აცხადებს, რომ ქვეყანა, ბალტიის ქვეყნების მსგავსად, იმ ადამიანებს დაუწესებს სანქციებს, რომლებიც საქართველოში ადამიანის უფლებების დარღვევაში არიან ჩართული.

ამის შესახებ კანადის საგარეო საქმეთა მინისტრმა, ბალტიის ქვეყნების საგარეო საქმეთა მინისტრებთან ერთად გამართულ პრესსბრიფინგზე განაცხადა.

"კანადა სოლიდარულია ქართველი ხალხის მიმართ და შეშფოთებულია იმასთან დაკავშირებით, თუ რის გაკეთებას ცდილობს რუსეთი საქართველოში. ამიტომ, ჩვენ [ბალტიის ქვეყნების მსგავსად] დავუწესებთ სანქციებს იმ ადამიანებს, ბიზნესებსა თუ სუბიექტებს, რომლებიც ჩართულნი არიან ადამიანის უფლებების დარღვევაში და ასევე კორუფციაში, ჩვენი სანქციათა რეჟიმის ფარგლებში. უახლოეს დღეებში თქვენ უფრო მეტს გაიგებთ ამ საკითხთან დაკავშირებით", — თქვა ჯოლიმ.

შეგახსენებთ, რომ დღეს, 2 დეკემბერს, ლატვიისა და ესტონეთის საგარეო საქმეთა მინისტრებმა ქვეყანაში შესვლა "ქართული ოცნების" მაღალჩინოსნებსა და რეჟიმის სამართალდამცავებს აუკრძალეს. მიზეზი ადამიანთა უფლებების დარღვევაა, რის გამოც მათ სამივე ბალტიის ქვეყანაში შესვლა ეკრძალებათ.

სანქცირებულთა სია ასე გამოიყურება:

ბიძინა ივანიშვილი — ქართული ოცნების ლიდერი, საპატიო თავმჯდომარე;

ვახტანგ გომელაური — საქართველოს შინაგან საქმეთა მინისტრი;

შალვა ბედოიძე — შინაგან საქმეთა მინისტრის მოადგილე;

იოსებ ჭელიძე — შინაგან საქმეთა მინისტრის მოადგილე;

ალექსანდრე დარახველიძე — შინაგან საქმეთა მინისტრის მოადგილე;

გიორგი ბუთხუზი — შინაგან საქმეთა მინისტრის მოადგილე;

ზვიად ხარაზიშვილი — იგივე "ხარება", განსაკუთრებულ დავალებათა დეპარტამენტის ხელმძღვანელი;

მილერი ლაგაზაური — განსაკუთრებულ დავალებათა დეპარტამენტის ხელმძღვანელის მოადგილე;

მირზა კეზევაძე — განსაკუთრებულ დავალებათა დეპარტამენტის ხელმძღვანელის მოადგილე;

ვაჟა სირაძე — საპატრულო პოლიციის დეპარტამენტის ხელმძღვანელი;

თეიმურაზ კუპატაძე — საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორი;