გერმანიის პრეზიდენტმა, ფრანკ-ვალტერ შტაინერმა, პრეზიდენტ სალომე ზურაბიშვილთან სატელეფონო საუბარი გამართა, რის დროსაც თქვა, რომ საზოგადოების მიმართ სოლიდარობას გამოხატავს და აქციის მონაწილეების წინააღმდეგ ძალადობას გმობს. ამის შესახებ შტაინმაიერის სპიკერი, სერტინ გამელინი X-ზე წერს.

გერმანიის პრეზიდენტმა ასევე განაცხადა, რომ ევროპა მთავრობის მიმართ მიიღებს შესაბამის ზომებს, თუმცა ქვეყანა მოქალაქეთა ევროპული მისწრაფებებისთვის კვლავ ღია რჩება.

"საქართველოს მთავრობა ევროკავშირისკენ მიმავალ გზას ტოვებს, რომლის ვალდებულებაც საქართველომ კონსტიტუციით აიღო. ევროპა მთავრობის მიმართ შესაბამის ზომებს მიიღებს, თუმცა ის კვლავ ღია რჩება მოქალაქეთა ევროპული მისწრაფებებისთვის", — თქვა შტაინმაიერმა.