ქართველმა მშობლებმა ხვალ, 2 დეკემბერს, მთავრობის კანცელარიასთან აქციაა დააანონსეს, რომელიც 13:00 საათზე გაიმართება. მათ სოციალურ ქსელში რამდენიმე წლის წინანდელი ღონისძიება განაახლეს — "მშობლები ვითხოვთ!".

"ეს ღონისძიება რამდენიმე წლის წინ, პანდემიისას, განათლების გარეშე დატოვებული ჩვენი შვილების ინტერესის დასაცავად შეიქმნა.

ახლა ჩვენს შვილებს ოლიგარქის არალეგიტიმური რეჟიმი არა მხოლოდ განათლების პერსპექტივას, არამედ ევროპულ, თავისუფალ მომავალს ართმევს და ტოვებს რუსეთის პირისპირ დაუცველს.

ჩვენი ვალია, გავაკეთოთ ყველაფერი, რაც შეგვიძლია და არ შეგვიძლია ჩვენი შვილების ევროპული, მშვიდობიანი მომავლის დასაცავად!

ორშაბათს, 2 დეკემბერს, უამრავი სკოლა და ბაღი გაფიცულია! შევიკრიბოთ ჩვენი შვილებით მთავრობის კანცელარიასთან და შევახსენოთ იქ მომუშავე საჯარო მოხელეებს, რომ ჩვენი შვილების ინტერესებს უნდა ემსახურონ და არა ოლიგარქის ან რუსული რეჟიმის!", — ვკითხულობთ ორგანიზატორების განცხადებაში.