რუსთაველზე მიმდინარე პროევროპული აქციის დაშლისას მოქალაქეების ერთ ჯგუფს 9 აპრილის პარკიდან თაბუკაშვილის ქუჩის ბოლომდე დაედევნა ნიღბიანი სპეცრაზმელები, ადგილზე იყო On.Ge-ს ერთ-ერთი ჟურნალისტიც.

ჟურნალისტის თქმით, ქაშუეთის ეზოში ოთხივე მხრიდან ჩამოაგდეს გაზის კაფსული, რამაც სიცოცხლისთვის საშიში გარემო შექმნა.

ჟურნალისტი ამბობს, რომ "რობოკოპების" გადაადგილებამდე წარმოიქმნა ჭყლეტა და რამდენიმე წუთის მანძილზე სუნთქვა შეუძლებელი იყო.

შეგახსენებთ, მესამე დღეა რუსთაველზე, პარლამენტის შენობასთან მასშტაბური უწყვეტი აქცია იმართება. პროტესტი ირაკლი კობახიძის განცხადებას მოჰყვა — ევროკავშირთან მოლაპარაკებების გახსნის 2028 წლამდე შეჩერებასთან დაკავშირებით.