აშშ-ის კონგრესის ჰელსინკის კომისია X-ის გვერდზე განცხადებას ავრცელებს, სადაც წერს, რომ "ქართველ ხალხს მშვიდობიან დემონსტრაციაზე მხოლოდ ძალადობა და რეპრესია დახვდა".

ამასთან, კომისია წერს, რომ "ისინი (ქართველი ხალხი) უარს ამბობენ რუსულ კოლონიად გახდომაზე".

"ქართველი ხალხი ქუჩაში გავიდა მშვიდობიანი დემონსტრაციისთვის მათი სუვერენიტეტისთვის, დემოკრატიისთვისა და ევროპული მომავლისთვის და მათ მხოლოდ ძალადობა და რეპრესია დახვდა. ისინი უარს ამბობენ რუსულ კოლონიად გახდომაზე.

გვერდში დაუდექით ქართველ ხალხს!", — წერს ჰელსინკის კომისია.