საქართველოს პრეზიდენტი სალომე ზურაბიშვილი დიპლომატიური კორპუსის წარმომადგენლებთან შეხვედრის შემდეგ ოპოზიციური პარტიის ლიდერებთან გამართავს შეხვედრას. ინფორმაციას ინტერპრესნიუსი ავრცელებს,

ორბელიანების სასახლეში, პრეზიდენტთან შეხვედრაზე მივიდნენ: ერთიანობა-ნაციონალური მოძრაობის, ძლიერი საქართველოს და კოალიცია ცვლილებების ლიდერები.

ამ დროისთვის, პრეზიდენტი დიპლომატიური კორპუსის წარმომადგენლებს ხვდება. შეხვედრა, რომელიც საგანგებო რეჟიმში ­ჩანიშნა, რამდენიმე წუთის წინ დაიწყო.