NATO-ს ყოფილი გენერალური მდივანი, იენს სტოლტენბერგი აცხადებს, რომ ისრაელსა და ჰეზბოლას შორის ცეცხლის შეწყვეტა ძალიან საჭირო და სასიხარულო მიღწევაა.

"ახლა აუცილებელია მისი სრულად დაცვა, რათა შემსუბუქდეს საზღვრის ორივე მხარეს მყოფი ადამიანების მდგომარეობა. ამერიკის შეერთებულმა შტატებმა გამოავლინა კარგი ლიდერობა შეთანხმების მიღწევის პროცესში", — წერს სტოლტენბერგი.

შეგახსენებთ, რომ ისრაელის უსაფრთხოების კაბინეტმა გუშინ, 27 ნოემბერს ოფიციალურად დაუჭირა მხარი ლიბანში ცეცხლის შეწყვეტის შეთანხმებას.