1 ოქტომბრიდან ინდივიდუალური მეწარმეებისთვის საქართველოს ბანკის გათამაშება დაიწყო. ბიზნესის გაციფრულების პარალელურად, მიკრო და მცირე მეწარმეებს შესაძლებლობა აქვთ, ყოველდღიური ტრანზაქციების ონლაინ შესრულებით, 50-დან 50 000 ლარამდე პრიზების მოგების შანსი გაზარდონ.

გათამაშება 1 ოქტომბრიდან 31 დეკემბრამდე გრძელდება. გამარჯვებული ინდ. მეწარმეები კი თითოეული თვის ბოლოს გამოვლინდებიან.

პირველი ეტაპის გათამაშება 6 ნოემბერს გაიმართა და ათასზე მეტ მეწარმეს შესაძლებლობა მიეცა 10 000, 500, 200, 100 და 50 ლარის ფულადი პრიზი მიეღო.

რომელი ტრანზაციების შესრულებისას გროვდება ბილეთები?

გათამაშების ბილეთები ბიზნეს ინტერნეტბანკში და ბიზნეს მობილბანკში შესრულებული ტრანზაქციებით გროვდება. სხვადასხვა საბანკო ოპერაციის შესრულების შედეგად, მომხმარებლებს სხვადასხვა რაოდენობის ბილეთი ერიცხებათ. მათ შორის აღსანიშნავია:

პირველი ავტორიზაცია ციფრულ არხებში — თუ 2024 წლის 1 სექტემბრიდან 1 ოქტომბრამდე საქართველოს ბანკის ბიზნეს მობილბანკში ან ბიზნეს ინტერნეტბანკში არ შესულხართ, გათამაშების პერიოდში პირველივე შესვლისას 50 ბილეთს მიიღებთ;

პლასტიკური ბარათის შეკვეთა — თუკი ბიზნეს მობილბანკიდან ან ბიზნეს ინტერნეტბანკიდან თქვენი საქმიანობისთვის Mastercard ან Visa ბარათს შეუკვეთავთ, გათამაშების 20 ბილეთი დაგერიცხებათ;

ციფრული ბარათის შეკვეთა — საქართველოს ბანკის ბიზნეს მობილბანკიდან ან ბიზნეს ინტერნეტბანკიდან შესაძლებელია ციფრული ბარათის შეკვეთაც, რომელსაც ფიზიკური ბარათის იდენტური დანიშნულებით Google Pay ან Apple Pay-ის საფულეების დახმარებით გამოიყენებთ. ამ ბარათის შეკვეთით კი გათამაშების 20 ბილეთს მიიღებთ;

ბიზნეს ანაბრის გახსნა — თუკი თქვენი საქმიანობის გასაფართოებლად, ან სხვა მიზნების მისაღწევად ბიზნეს ანაბარს გახსნით, ავტომატურად 20 ბილეთის მფლობელი გახდებით.

გარდა ამისა, ბილეთები გროვდება ბიზნეს ბარათით განხორციელებულ გადახდებზე, ანაბარზე თანხის დამატებისას, კომუნალური გადასახადების დაფარვისას, ლარში ან უცხოურ ვალუტაში განხორციელებული გადარიცხვებისას, ვალუტის კონვერტაციის ან ხაზინაში გადარიცხვისას.

დეტალურ ინფორმაციას, თუ რამდენი ბილეთი გროვდება თითოეული მათგანის შესრულებისას, ამ ბმულიდან მიიღებთ.

როგორ ჩავერთოთ გათამაშებაში?

გათამაშებაში მონაწილეობის მიღება შეუძლია ყველა ინდ. მეწარმეს, რომელსაც საქართველოს ბანკში ბიზნეს ანგარიში აქვს გახსნილი. ანგარიშის გახსნა შესაძლებელია ონლაინ ან ბანკის ფილიალებიდან. გათამაშებაში მონაწილეობისა და ბილეთები დაგროვებისთვის კი საჭიროა მხოლოდ ბიზნეს ინტერნეტ და მობილბანკში ტრანზაქციების შესრულება.

გაითვალისწინეთ, რომ ბილეთების ათვლა ყოველთვიურად ხელახლა იწყება, რაც იმას ნიშნავს, რომ პირველი, მეორე და მესამე ეტაპის გათამაშებებისას გამოყენებული იქნება შესაბამისი თვის განმავლობაში დაგროვებული ბილეთები. თუმცა ფინალში, სადაც 50 000, 20 000 და 10 000 ლარი თამაშდება, სამივე თვეში დაგროვებული ბილეთები მონაწილეობს.

თუ ჯერ არ ხართ საქართველოს ბანკის მომხმარებელი, გახსენით ბიზნეს ანგარიში მარტივად, ონლაინ და გადმოწერეთ ბიზნეს მობილბანკი ან დარეგისტრირდით ბიზნეს ინტერნეტბანკში. ჩაერთეთ გათამაშებაში, გაციფრულდით და გაზარდეთ მოგების შესაძლებლობა. გახსოვდეთ, რაც უფრო მეტ ბილეთს დააგროვებთ, გამარჯვების შანსიც გაიზრდება.