ანაკლიის განვითარების კონსორციუმი და ანაკლია სითი ბორჯომის ტყის სრულად აღდგენის კამპანიას უერთდება. კომპანიაში ამბობენ, რომ ამ გადაწყვეტილებით თიბისი ბანკისა და კომპანია ბორჯომის ინიციატივას გამოეხმაურნენ.

"ჩვენ გვესმის, რომ ეს იქნება გრძელი, რთული და მასშტაბური სამუშაო, მაგრამ არ დავზოგავთ რესურსს, რომ ბორჯომს დაუბრუნდეს პირველადი სახე. მოვუწოდებთ ბიზნეს და საჯარო სექტორს შემოგვიერთდნენ და ერთად განვახორციელოთ ეს მნიშვნელოვანი საქმე," -აღნიშნულია ანაკლიის განვითარების კონსორციუმის მიერ გავრცელებულ განცხადებაში.

კამპანია - სრულად აღვადგინოთ ბორჯომის ტყე, გუშინ, 22 აგვისტოს, თიბისი ჯგუფის დამფუძნებლმა, მამუკა ხაზარაძემ დაიწყო. კამპანიას შეუერთდნენ ლისი დეველოპმენტი და კოკა კოლა ბოთლერს ჯორჯია.

საქართველოს ბანკი, უკანასკნელ დღეებში მთელი ქვეყნის მასშტაბით განვითარებული სტიქიის შედეგად დამწვარი ტერიტორიის აღდგენისა და ხანძრის პრევენციისთვის, 1 000 000 ლარს გამოყოფს.