სასამართლომ ერთიანობა — ნაციონალური მოძრაობის ცესკოს წევრი დავით კირთაძე დამნაშავედ ცნო და ცესკოს თავმჯდომარე გიორგი კალანდარიშვილისთვის საღებავის შესხმის გამო 500 ლარით დააჯარიმა.

მოსამართლემ სარჩელი დაჩქარებულ ვადაში განიხილა.

შეგახსენებთ, რომ 16 ნოემბერს, ცესკოს შემაჯამებელ სხდომაზე დავით კირთაძემ კალანდარიშვილს შავი საღებავი შეასხა, რის გამოც სხდომა გარკვეული დროით შეჩერდა. იმავე დღეს, შემთხვევაზე გამოძიება შსს-მ 118 მუხლით დაიწყო.