თურქეთიდან საქართველოს დასახმარებლად გამოგზავნილი თვითმფრინავი კოპიტნარიდან ბორჯომისკენ მიფრინავს. როგორც შინაგან საქმეთა მინისტრმა გიორგი მღებრიშვილმა საზოგადოებრივ მაუწყებელს განუცხადა, დაღამებამდე თვითმფრინავმა ერთი შემოფრენა უნდა მოასწროს:

"თურქული თვითმფრინავი უკვე აფრინდა და მოემართება ბორჯომის რაიონისკენ. მან უნდა აიღოს წყალი ტაბაწყურის ტბაზე და შემდეგ ალბათ ერთ შემოფრენას მოასწრებს. მე ვფიქრობ, რომ ბევრად უფრო ეფექტიანები ვიქნებით თვითმფრინავით, ვიდრე ვერტმფრენით".

მღებრიშვილის თქმით, ადგილზე სულ 5 ვერტმფრენი მუშაობს. აქედან 2 საქართველოს შსს-ს ეკუთვნის, 2 - თურქეთს და 1 - აზერბაიჯანს.

წაღვერის ტყეში ხანძარი უკვე მესამე დღეა, რაც არის. როგორც საგანგებო სიტუაციების მართვის სამსახურში ამბობენ, ლოკალიზებული კერები ქარის გამო კვლავ ღვივდება.